MAKTABGACHA TA’LIM TASHKILOTLARI TARBIYACHILARIDA KASBIY VAZIFAGA MUNOSABATNI SHAKLLANTIRISHNING IJTIMOIY-PSIXOLOGIK XUSUSIYATLARI

Abstract

O‘zbekiston Respublikasida ta’lim tizimini isloh qilish va zamon talablari asosida rivojlantirish masalasi davlat siyosatining eng ustuvor yo‘nalishlaridan biri hisoblanadi. Xususan, maktabgacha ta’lim sohasi bugungi kunda inson kapitalini shakllantirishning muhim bosqichi sifatida e’tirof etilmoqda. Zero, ta’lim-tarbiyaning ilk bosqichida bolaning intellektual, ma’naviy-axloqiy, ijtimoiy va emotsional rivojlanishi keyingi ta’lim pog‘onalaridagi muvaffaqiyatli faoliyatining poydevorini tashkil etadi. Shu boisdan ham maktabgacha ta’lim tashkilotlari faoliyatini takomillashtirish, tarbiyachilar mehnatini rag‘batlantirish va ularning kasbiy mas’uliyatini oshirish masalalari davlat miqyosida dolzarb vazifa qilib qo‘yilgan.