Profilaktika inspektorning retsidiv jinoyatchilikni oldini olish faoliyatida xorijiy davlat tajribalari

Abstract

Mazkur maqola profilaktika inspektorining retsidiv jinoyatchilikni oldini olish faoliyatidagi xorijiy tajribalarni o‘rganishga bag‘ishlangan. Retsidivizm — jinoyatlarni takroran sodir etish, har bir davlatning huquqni muhofaza qilish tizimida jiddiy muammo bo‘lib, uning oldini olish uchun samarali yondashuvlar talab etiladi. Shvetsiya, Niderlandiya, AQSh, Kanada kabi davlatlar jinoyatchilikka qarshi kurashishda turli innovatsion usullarni qo‘llab, retsidivizmni kamaytirishga muvaffaq bo‘lgan. Ushbu maqolada, o‘sha mamlakatlarda profilaktika inspektorlari tomonidan amalga oshirilayotgan reabilitatsiya dasturlari, restorativ adolat, elektron kuzatuv tizimlari va ijtimoiy integratsiya kabi usullar tavsiflanadi. Xorijiy tajribalar orqali jinoyatchilikni oldini olish va jinoyatchilarga qayta jinoyat sodir etmaslikka yordam berish uchun ijtimoiy yordam, psixologik maslahatlar va ta'lim dasturlarining ahamiyati ko‘rsatib berilgan. Maqola, O‘zbekiston uchun bu yondashuvlarni o‘rganish va amaliyotga joriy etish zarurligini ta'kidlaydi.