Maktabgacha yoshdagi bolalarda musiqa ta’limi orqali milliy qadriyatlarga asoslangan ma’naviy-axloqiy kompetensiyalarni shakllantirishning innovatsion pedagogik texnologiyalari

Abstract

Ushbu maqolada maktabgacha yoshdagi bolalarda musiqa ta’limi vositasida milliy qadriyatlarga asoslangan ma’naviy-axloqiy kompetensiyalarni shakllantirishning nazariy-metodologik asoslari kompleks tarzda tahlil qilinadi [1]. Tadqiqotda musiqa san’atining bolalar ruhiyati va shaxsiy rivojiga ko‘rsatadigan ta’siri psixologik-pedagogik nuqtai nazardan yoritilib, ayniqsa milliy musiqa merosi - alla, lapar, yalla, xalq qo‘shiqlari va o‘yinlarining tarbiyaviy imkoniyatlari ochib beriladi [2].Maqolada etnopedagogik yondashuv asosida ishlab chiqilgan pedagogik mexanizmlar, ya’ni emotsional ta’sir, musiqiy idrok, jamoaviy faoliyat va qadriyatlarni ongli qabul qilish jarayonlari ilmiy asosda izohlanadi. Shuningdek, maktabgacha ta’lim tashkilotlarida musiqa mashg‘ulotlarini tashkil etishda qo‘llaniladigan innovatsion texnologiyalar, interfaol metodlar va integrativ yondashuvlarning samaradorligi asoslab berilgan. Tadqiqot davomida ishlab chiqilgan metodik model tajriba-sinov ishlari orqali amaliyotda sinovdan o‘tkazilib, uning natijalari tahlil qilinadi [3]. Olingan natijalar milliy musiqa vositasida bolalarda mehr-oqibat, hurmat, vatanparvarlik, jamoaviylik kabi ma’naviy-axloqiy sifatlar sezilarli darajada rivojlanishini ko‘rsatadi [4]. Mazkur tadqiqot natijalari maktabgacha ta’lim tizimida milliy qadriyatlarga asoslangan tarbiya texnologiyalarini takomillashtirishda muhim ilmiy-amaliy ahamiyatga ega.