SAHAR PASSAJIR TRANSPORTI HARAKATI LOGISTIKASINI TASHKIL ETISHNING ZAMONAVIY YONDASHUVLARI

Abstract

Ushbu ilmiy maqola shahar passajir transporti harakati logistikasini tashkil etishning zamonaviy yondashuvlarini tadqiq qilishga bag'ishlangan. Shahar transport tizimlarining samaradorligini oshirish, yo'lovchilar tashish jarayonlarini optimallashtirish va transport logistikasini boshqarishning ilg'or usullari mavzulariga alohida e'tibor qaratilgan. Tadqiqotda shahar transporti boshqaruvi, logistika, dispetcherlik xizmati, matematik modellashtirish va avtomatlashtirilgan boshqaruv tizimlarining o'zaro integratsiyasi masalalari yoritilgan. Maqolada shahar passajir transportini boshqarishda zamonaviy axborot texnologiyalaridan foydalanish, shuningdek, transport tizimlarini boshqarishning raqamli yechimlari tahsil qilingan. Tadqiqot natijalari shuni ko'rsatadiki, shahar passajir transporti harakatini kompleks logistik yondashuv asosida tashkil etish yo'lovchi tashishning samaradorligini sezilarli darajada oshirishi, shahar aholisiga ko'rsatilayotgan transport xizmatlari sifatini yaxshilashi va shahar transport tizimining barqaror rivojlanishini ta'minlashi mumkin.